Azərbaycan Respublikası Prezidentinin 2023-cü ilin “Heydər Əliyev İli” elan edilməsi haqqında Sərəncamına uyğun olaraq, Strateji Obyektlərin Mühafizəsi Dövlət Agentliyində silsilə tədbirlərin keçirilməsi davam etdirilir.

Belə ki, 02 mart 2023-cü il tarixdə Ağstafa rayon İcra Hakimiyyətinin nümayəndəsi və Strateji Obyektlərin Mühafizəsi Dövlət Agentliyinin Ağstafa regional idarəsinin şəxsi heyətinin iştirakı ilə rayon mərkəzində yerləşən Azərbaycan xalqının ümummilli lideri Heydər Əliyevin abidəsinin qarşısına gül qoyma mərasimi keçirilmiş və şəxsi heyət tərəfindən Heydər Əliyev mərkəzi ziyarət edilmişdir. Mərkəzin əməkdaşlarının Ümummilli Liderin ömür yolunu əks etdirən fotoşəkillər əsasında verdikləri məlumatlar şəxsi heyət tərəfindən maraqla qarşılanmışdır.