2026-cı ilin iyun ayının 10-dan 30-dək Strateji Obyektlərin Mühafizəsi Dövlət Agentliyində hərbi qulluqçular üçün ilkin hazırlıq kursu təşkil olunmuşdur.

Kursun proqramına uyğun olaraq şəxsi heyətə silah və döyüş sursatları ilə davranış zamanı təhlükəsizlik qaydalarına riayət olunması istiqamətində nəzəri və praktiki məşğələlər keçirilmiş, o cümlədən ixrac neft və qaz boru kəmərlərinin və onlara aid infrastrukturun etibarlı mühafizəsi qaydaları izah olunmuşdur.

Təlimləri uğurla başa vuran hərbi qulluqçulara sertifikatlar təqdim edilmişdir.